Limeryki
Sławomir Fudala
Wielko
Jedyn Ecik kaś na Recie.
Trefił frelka przi waszbrecie.
Mosz jōm wielko.
Gryfno frelko.
Jak jest raja w lazarecie
Food Truck
Jedyn drabsik spod Chudŏwa.
Ukrŏd jednyj babie krowa.
Food truck z mlykym.
Za drapsikym.
Ciśnie aż do Mikołowa.
Papiōry
Jedna Trudka z Sośnij Gōry.
Powiesiła klajd na sznōry.
Zoki, batki.
Lajbik gładki.
Bo na pranie mo papiōry.
Apluzina
Gryfno frelka we Lipinach.
Maszkeciła w apluzinach.
W takich scynkach.
Szukŏ synka.
W apluziny ôszkrabinach.
Kōnda
Jedyn kōnda z Mikołowa.
Batki ściōngo durś bez głowa.
Jak go chyci.
Sztyjc zolyći.
Czy to frelka, starka, wdowa.
Szerga
Jedyn karlus z Veilchenberga.
Mioł pulŏka jak u cwerga.
Durś sie śmioły.
Choć mu przŏły.
Bo był z synka rychtig szerga.
