Kazimierz Przerwa Tetmajer „Melodie mgieł nocnych”
Melodie mgieł nocnych
Kazimierz Przerwa Tetmajer
Cicho,cicho,nie budźmy zaspanej wody w kotlinie
Po leku z powichrym tańcujmy po wszechświata głymbinie
Okryncejmy się maszkóm kole ksiynżyca
Co nóm hań przestworza tynczóm blysków nasyco.
I opatrujmy potoków szeptani, co sie tracóm w jeziorze
I limb szumy lekuśki ,i w smrekowym szept borze
Pijmy kwieci wóń rześkóm ,co na gróniach ich wiyniec
Melodyjne, barewne, wónne, w kwietny zlatujmy modrzyniec.
Cicho, cicho, nie budźmy zaspanej wody w kotlinie
Po leku z powichrym tańcujmy po wszechświata głymbinie
Oto gwiozdke, co leci wartko chycić w ramióna
Lećmy, lećmy jóm chycić, zanim zleci i skóno.
Puchym moiczka sie bowmy i błónóm przeźroczo
I snów piyrzim puchatym, co w lufcie kryngi roztoczo.
Gacka góńmy ,co po cichu hań leci
Jako my same, i w liche spyntejmy go sieci.
Z wiyrchu na wiyrch przeciepmy sie jako mosty
Gwiozdek prómiyni przybijym do skał mostów kóńce.
A powicher na nich na chwile uciszóny dychnie
Za nim jich stargo i w tańcowaniu uż wóbec nie zcichnie.
Ewelina Szuścik
Poetka, pisarka, felietonistka i promotorka gwary cieszyńskiej, urodzona w Cieszynie, od lat związana z Zebrzydowicami.
Skomentuj