Glück - Joseph von Eichendorff - Szczyńście
Glück
Joseph von Eichendorff
Szczyńście
Jakōż raduje sie moja dusza.
Aż zy mie lecōm śpiywy.
Ciynżko to skryć, a tyż niy musza.
Tak fest żech je szczyńśliwy.
Kryńcōm sie ludzie sam naôbkoło.
Głos jich gańbiaty, stłumiōny,
Nic niy rozumiã jakie to słowo,
Szpaśnie żech roztargniōny
Izba sie stŏwŏ za wiela sztram,
Jakōż piyknie te pole lyskŏ,
Dolina połnŏ je blycku sam,
Jakōż szumne je to wszyjstko!
Stumiōnŏ uciecha wybuchŏ
Bez sziber i zōmek, z hyrtōnia
Fort kaś nad wrzosowisko!
Ach, kebych mioł ino kōnia.
„I pytōm siebie i medykujã,
Jako to mi sie trefiło: –
Serce ty moje, tak Cie miłuja,
Ujzdrza Cie dzisiej, miło!”
Sławomir Fudala
Autor dwujęzyczny, piszący po polsku i śląsku. Tworzy wiersze, opowiadania i jednoaktówki. Tłumacz poezji na język śląski. Wielokrotnie nagradzany za fraszki i limeryki. Autor dwujęzycznego komiksu historycznego.
Skomentuj