Ślōnskie tkŏcze - Die schlesischen Weber - Heinrich Heine
Die schlesischen Weber Carl Hübner, 1844 Öl auf Leinwand 77,5 × 104,5 cm Museum Kunstpalast, Düsseldorf
Die schlesischen Weber
Heinrich Heine
Ślōnscy tkŏcze
Niy ma już płaczek we merskich ôczach.
Szczyrzōm zymby kej siedzōm przi krosnach:
Niymcy, twōj pokrop tkōmy,
Potrōjnõ klōntwã w niego– wplŏtōmy
Tkōmy, tkōmy!
Klōntwa na Boga, co my mu rzykali
We zimowym chłodzie kej głodowali;
Darmo my czekali, nadziejã w nôs mioł –
Ôn nŏs wyśmiywoł,ôszydzoł i drwiōł –
Tkōmy, tkōmy!
Klōntwa na krōla, na krōla bogŏczōw,
Kery wyciyro naszŏ biyda z ôczôw,
Kery wyciskŏ z nŏs ôstatnie grosze.
Kŏże do nŏs strzylać jak do psōw, im kŏże –
Tkōmy, tkōmy!
Niych bydzie przeklyntŏ fałszywŏ ôjczyzna,
Kaj kwitnie gańba, srōmoty gniylizna,
Kaj za wczas zniszczałe roztomaite kwiŏty
Kaj pleś i martwota ôżywjo chrobŏki –
Tkōmy, tkōmy!
Skrzipiōm krosna, ze heknadlōm lotōm
Tkōmy akuratnie sam dziyń i nocōm -
Stare Niymcy, twōj pokrop tkōmy,
Potrōjnõ klōntwã w niego– wplŏtōmy
Tkōmy, tkōmy!
Sławomir Fudala
Autor dwujęzyczny, piszący po polsku i śląsku. Tworzy wiersze, opowiadania i jednoaktówki. Tłumacz poezji na język śląski. Wielokrotnie nagradzany za fraszki i limeryki. Autor dwujęzycznego komiksu historycznego.
Skomentuj