Rosypoły - niy gorszcie sie

Rosypoły

Rosypoły w kóncie stoły…
Biołe bawełniane
Wyszkróbióne ,biglowane
Ledwo co wyprane.

A na sznurze u sómsiada
Bez gańby czyrwióne
Nici w rzici ze korónki
Wiszóm rozcióngnióne.

Rosypoły zagańbióne
Do tych nici prawióm
: „Dyć to gańba kie na widok
Sie majtki wystawio!”

Nici w rzici sie zaśmioły:
„Tako gańba to je dycki
Jak ta jedna wiec ,
co jóm ganc jako ty nici
w rzici trzeja mieć”

Rosypoły zeżroł czas
Gańbóm zniesmaczóny
Niechoł majtki, nici w rzici
Batki ,pantalony…

Ewelina Szuścik

Poetka, pisarka, felietonistka i promotorka gwary cieszyńskiej, urodzona w Cieszynie, od lat związana z Zebrzydowicami.