Jahrmarkt - Joseph von Eichendorff
Czy to sóm ty chałpy miłe?
Czy tyn sóm hańdowny świat,
Kaj też miłóm zostawiłech!-
Dycki wartko uciyk czas.
Z łokiyn wyzyzujóm baby
Na mie pszocielsko co krok,
Dycki nie wiym kaj aby
Je roztomiłej mej wzrok.
Do chałpy klupiym miersko,
Kaj w łoknach prózno i kurz,
Kieby ganc tak niechersko
Żodyn nie czakoł mie uż?
Dycki wre kszeftowani
Na stołach wiecy ,że cud
Drepcóm „Panowie i Panie”
Postrzodku tych wszystkich bud.
Wdziynczne ukłóny, dziwani
I mocka lubiyżnych słów
Skininia i rónk ściskani-
Przenosi jich potok głów.
Naroz uwidziołech jóm dycki
Lutóm , kole barewny ludzi
I Pan co szumne mioł oblyczki
Pod rynke dumnie jóm kludził.
Naroz óna zbledła cało
Kie uwidziała dycki mie
Po cichu sie oglóndała
Za mnóm dziwoko, kieby we śnie.
Traci sie dziyń w poniewiyrce
W cesty wpaduje powicher z pól,
Sóm nie wiym ,czy by jeji serce
Przenikoł w postrzodku ból?
Ewelina Szuścik
Poetka, pisarka, felietonistka i promotorka gwary cieszyńskiej, urodzona w Cieszynie, od lat związana z Zebrzydowicami.
Skomentuj