Gwiŏzda - Leopold Staff
Gwiazda
Leopold Staff
Gwiŏzda
Świyciyła gwiŏzda na niebie,
Strzybrnŏ i staroświeckŏ,
Świyciyła wilijnie,
A znŏ jōm kożde dziecko.
Wisiały z nij z wysokŏ
Duge, blyszczōnce prōmiynie,
A kożdy prōmiyń to było
Jedno na świynta życzynie.
I prziszli — niy magowie,
Już trochã postarzali -
Atoli ze wsi kolyndnicy,
Dyć chopcy ino mali.
Chyciyli za prōmiynie,
Jak we dzwonnicy za sznōry,
Dyćby ta piykno gwiŏzda z nieba
Niy citła im do gōry.
Chyciyli we gŏrść prōmiynie,
Trzimiōm ze cołkij siyły.
I terŏz w tym rzecz cołkŏ,
Co by życzynia sie społniyły.
Sławomir Fudala
Autor dwujęzyczny, piszący po polsku i śląsku. Tworzy wiersze, opowiadania i jednoaktówki. Tłumacz poezji na język śląski. Wielokrotnie nagradzany za fraszki i limeryki. Autor dwujęzycznego komiksu historycznego.
Skomentuj